[潮流飲食系列] 講起芒果糯米糍，上次介紹左一間係旺角叫糍到大王嘅鋪頭，咁岩今日放假，行過銅鑼灣灣仔一帶，又發現一間有得買芒果糯米糍嘅鋪頭，梗係要去試吓啦！（我都知我依家係喺度趕緊潮流尾班車，but so what!?好食咪得囉！ ）
一粒芒果糯米糍，差唔多全香港都係賣公價＄10！但呢家賣$12,究竟有冇分別呢？我可以話你聽，一定有！拎住呢粒芒果糯米糍係手，個感覺都幾飽滿嘅！不過老老實實，個內函先係最緊要架嘛！舊芒果肉真係好甜，而且都幾大舊！不過個糯米皮就相對厚咗少少！但係同上次介紹嗰間比，塊皮厚少少反而口感更加好喎！拎上手都冇咁易散啦！塊皮都一樣係好煙韌！絕對值得嘗試！
不過真心講句，其實每一間嘅芒果糯米糍都係咁上下，除非你係極度刁鑽嘅食家，如果唔係其實分別都唔係好大！
提提你，呢一間餐廳仲有榴槤糯米糍！不過由於我對榴槤係極度恐懼與反感，所以靠你自己去試啦！
慶發記
灣仔軒尼詩道311號1號舖
Search